ओव्या

||
भाकर भाकर सुर्व्या सारिखा आकार
माझा धनीग कष्टाळू, त्याचे पोट प्रेमाने भर
भाकर भाकर तुझा चंद्रा सारिखा आकार
माझा बाळ ग हळवा, त्याचे स्वप्न तू साकार
भाकर भाकर तुझा धरतीचा ग आकार
माझी लेक गुणी तिची ओटी सुखाने तू भर
भाकर भाकर माझ्या कुंकवाचा ग आकार
रोज माझ्या घरी पाव, असे  आमंत्रण स्वीकार
भाकर भाकर तुझा आकार ग गोल
मायेचा ग परीघ तुला उदर भरतीचा मोल
||
अर्पित

कवितेची एक ओळ..

कवितेची एक ओळ
आठवते माझी शाळा
मराठीच्या तासापूर्वी
सुरात लागत होता गळा

कवितेची एक ओळ
आठवतात शाळकरी मित्रे
शाईच्या पेनने शर्टवर्ती
काढली होती चित्रे

कवितेची एक ओळ
आठवतात कडक बाई
व्याकरणाची वही अपूर्ण
म्हणून दिली हातावरती लाई

कवितेची एक ओळ
आठवली तीच सुंदर मुलगी
उगाचच वही मागून वाटायचं
व्हावी तीचीमाझी सलगी

कवितेची एक ओळ
आठवतो तोच काळा फळा
त्यावरच मायेन गिरवून
शिकवला जीवनाचा धडा

कवितेची एक ओळ
नेते मला शाळेत माझ्या
अजून मन लहान होऊन
आठवली सारी मज्जा

अर्पित