कवितेची एक ओळ..

कवितेची एक ओळ
आठवते माझी शाळा
मराठीच्या तासापूर्वी
सुरात लागत होता गळा

कवितेची एक ओळ
आठवतात शाळकरी मित्रे
शाईच्या पेनने शर्टवर्ती
काढली होती चित्रे

कवितेची एक ओळ
आठवतात कडक बाई
व्याकरणाची वही अपूर्ण
म्हणून दिली हातावरती लाई

कवितेची एक ओळ
आठवली तीच सुंदर मुलगी
उगाचच वही मागून वाटायचं
व्हावी तीचीमाझी सलगी

कवितेची एक ओळ
आठवतो तोच काळा फळा
त्यावरच मायेन गिरवून
शिकवला जीवनाचा धडा

कवितेची एक ओळ
नेते मला शाळेत माझ्या
अजून मन लहान होऊन
आठवली सारी मज्जा

अर्पित